Нусгогун къого сон цебесеб заман
Дир росдал ункъого гIечIеб цIараки,
Гьенибго Хочбарил кIудияб хъизан,
Микьалго васалги кIияйго ясги.

Гьазул лъабго кули, гIи-боцIул рехъен
Росулъ лъикIаб авал, аскIорго хурзал,
Лъарахъ кIиго гьобо, гIураб гIагарлъи,
Камун щибго гьечIеб букIана заман.

АдабгьечI чияраз росдал авлахъ ккун,
Гьениб кулиги бан къварид гьаридал,
Росдаца рахъ кквечIев чIухIарав Хочбар
Рехун росу-ракь тун уна Шамалде.

Цадахъ лъабкъого чи гIагаразулгун
Росу тун унаго абун буго гьес:
- РагIи цолъугеги хутIаразул, - ан,
Гьеб гьари къабуллъун цолъичIо дир халкъ.