Бикъулел, хъамулел хъурмал цIикIкIанин,
МацIазги гьерсазги ритIухълъи чIванин.
ЦIунцIрабаз сум гIадин хъантIарал бацIаз
Халкъалъул бечелъи бугин хъамулеб.

Халкъалъул тIалабал тIуразе тарал,
ТIагIун ругин гьанже тIутIал кинигин.
Партия-комсомол щущахъги биххун,
Рес щванин хъурмазе бикъа-хъамизе.

Гьалмагълъи кIочон тун, вацлъи рехун тун,
ЦIи гьабун гIуцIиялъ кир нилъ рачарал?
Къуръан-хIадисалъе нухал рагьанин,
Будун-дибирасе ихтияр кьунин.

Божилъи нужеда, диналъул бутIрул,
Раче ниж дорехун, таризе тоге.