Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Сурхай ва Самрай

Цо къваригIелалъ Къигьалъ арасул,
Абурай ясалъухъ хивал ккун буго.
Рокьи ккаравасе кьеян аразул,
Адаб гьабичIого тIоритIун руго.

Рокьукъаб хабаргун росулъ рачIиндал,
ЧIамалазул чIухIбуз хIукму гьабуна,
Гьигьалъа Сурхайий Сулсил яс Самрай,
Хъамун ячинилан доб Чачаналъа.

ХъачIаб хабар бакIлъун, бадиб цIа пирхун,
Росулъ мушавара гьабун лъугIигун,
Гьигьалъа чапарал, чуялги кьолон,
Кьурун яхъилилан, рахъана къватIир.

Къимат тIокI бокьулел дол къигьалазул,
ХIалбихьун лъикIилан, лъугьана нухде.
Лъарал, гIорал рахун, рохьал нахъа тун,
Таманаб нух тана Щикърир щвезегIан.

Росулъ жанир щвейгун, щурщуриялда,
Ицухъе ясазул цо тIел бихьула.
Гьезухъ рокьи ккарал, кьурун михъалгун,
Хъала гIоларого руго свердулел.

Саяхъаб хIалалда къигьал рукIадго,
РекIаразул къукъа росулъ биххана.
Берцинал ясазул свери сверун ккун,
Бодул цевехъанас ишар гьабуна.

Гьарун кьечIей Самрай гьоркьой йихьидал,
РекIарав рещтIана чодаса гъоркье.
Рокьи ккарай бика кодойги ячун,
Кьолонив кIанцана Данул вас Сурхай


Росулъ бицен арай чоде йосигун,
Рокьи загьир гьабун, гьимун кIалъана.
КIарчанай чачанай чидай чучидал,
Чачан агьлуялда ургьиб унтана.

Абурай хъамидал, хъаладухъ жаниб,
Хъаравулзабазул кьвагьдей цIикIкIана.
Кьалда гьунар тIокIал тIадмагIарулаз,
ТIубан хъаравулъи асир гьабуна

Гьигьалъдерил бодул къуват бихьидал,
Къигьалазул къадил ахIи бахъана.
Балагь тIад рештIанин щикърисел хъурмал,
Хъачагъал гъуризе къватIир рахъаян.

Борчун тIад ярагъгун, цере чIаразул,
ЧIамалазда данде къуватго гIечIо.
КъватIазда дандчIварал чIурканал ясал,
Рахине гьаруна юргъа чуязде.

Рижиго чалухал чачан руччаби,
Чуязда цере ккун Чадирир ана,
Чергесал ясазул бицен бугеб ракь,
Бесдал гьабун тана гьигьалъдерица.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.