Огь, гьаб гIолохъанлъи, гIумрудул завал,
ГIащикъал къасдазе къирараб каву.
Анищазул гъасда керенги боркьун,
Ракьалда лъалкI тезе хьул халатаб мех.
Йиго дун жакъаги дур асирлъуда,
Къисматалъ кьезесеб сайгъат цIехолей.
Пикрабазул гъотIол тIогьий яхине,
ТIурачIел мурадаз нух къалеб гIадин.
Амма букIаниги рекIел канлъиялъ,
Малъаралъуй ине нигат буго дир,
Анищазул куркьбал щулалъанагIан,
Шавкъ талихI цIехезе цIабуцIуна дилъ.