Ассаламу гIалайкум Дагъистаналъул бетIер.
ГIалиевасул вас МухIу магIарулазул гIакъил.
Мун сиялде вахана,дуцаго болъо гьабун,
БегIераб рагIиялъул гIадан вукIиялдалъун.

Мун цевесев коммунист Кавказалъул бахIарчи,
Гьакварисев дурц вукIун чIухIун йиго дун жакъа.
Гьал дуца цере лъурал масъалаби ритIарал
Данияловасул ирс щварав босаравги мун.

Дуда ниж божун руго, кумекалъе хIадурал,
ХIалихьалъи гьабулев битIун кезе гьавизе.
ХIапур-чапур гIемераб, нилъер Дагъистаналда
Дуе икъбал бокьарал, руго гьал магIарулал.

Гьарула дуе сагълъи мурадалде вахине,
Баркат бугев ватаги тIоцевесев президент.
Нусго сонилаб гIумро гьарула дуе МухIу,
Иман халкъалда лъеги мун тIадегIан гьавизе.