Дир рокьи кун буго росдал ясаллъухъ
ТIоцебесеб рокьи кIочонеб лъида.
ЯчIа дир хирияй, гьайбатай гьудул,
Нахъ тIамун течIого хехго данд чIвазе.

Дур чIегIерал берал, халатал гъалал,
Дур чергесаб лага, берцинаб гьумер.
Къасиги, къадги мун ракIалда щола,
КIоларого яс чIезе мун йихьичIого.

Къисмат хъван нилъее букIарабани,
БукIинаан нилъер щулияб рокьи.
Аллагьас батичIо нилъей хъван къадар,
Гьелда нилъ разиго рукIине ккела.

ТIоцебесе рокьи кана дир дуде
ГIумруялъ сахлъичIеб ругъун щвана дий.
ГIумруялъ кIвечIо мун дида кIочене
Гьарула дица дуй берцинаб гIумру.