Мун дица йищана, хирияй гьудул,
Яшав, гIумру нилъер цадахъги гьабун.
Рохалида ана гIолохъанлъиги,
ГIадамазда гьоркьов хьвадизе лъана.

Бакъгин моцI мун йиго дий дуниялда,
Бищунго йокьулей дир рекIел гьудул.
Жакъа дица дуе гьарулеб буго
Щулияб сахлъиги ва гIаданлъиги.

Киве дун щваниги, кин вукIаниги
РекIелъ мун йикIана кидаго дида.
Магниталъ мах гIадин дун духъе цIала
Мун гьечIеб дуниял дий бакьан гуро.