Ассалам гIалайкум ЦIумада район,
ЧIамалазул ВатIан, гьитIинаб дир халкъ,
Адабги, намусги цIунизе лъалел,
ЦIумазул борхалъи ккурал гIадамал.

ГIоралги лъаралги гIемераб свери,
Гьал мугIрул щобазулберцинлъи гьаниб.
ГIурчинал мугIруца жаниб бачараб,
НигIматал гьарзаяб чIамалазул ракь.

Гьаквари, Гьадири, Гьигьалъ, Агъвали,
Нилъер чIамалазул хирияб ВатIан.
Имам Шамилил халкъ дур наслабаца,
ГIелмуялъул байрахъ борхатго ккуна.

Миллаталъул намус цIунизе лъалел
Гьалбалги хириял, къиматги лъалел.
ГьитIинабго улка чIамалазул халкъ
Сундулъго хисичIеб борхатаб тIалъи.

Припев:
ЧIахъаги чIамалазул ВатIан,
ЧIахъаги чIамалазул халкъ.