Дир рокьи ккун буго росдал ясалде,
Гьарун чи витIизе дунго нечарав.
ЯчIа дир хирияй рокьи гьабизе,
Нахъ тIамун течIого хехго данд чIвазе.

ГIадамазул харбал камуларел жал,
Гьезухъ гIенеккани гIадада хвела.
Цадахъ гIумру гьабун, гIакълу данде бан,
Цадахъ яшав гьаби гьебин дир мурад.

Мун хисуге хирияй хасало тIанхал гIадин,
Хирияй, нилъер гъотIол гъваридал ругин кьалбал.
Огь беразул берцинлъи, огь черхалъул чергеслъи
Кий йигей мун, кий йигей, йокьулей гьакварисей.