Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Гьакварие ячIун Cабигат йиго

Инхокъвариб кIкIалахъ кIудияб гьунар,
Гьакварие ячIун Сабигат йиго
ГIакъилал кучIдузул кенчIолеб жавгьар,
Жакъа гьаниб буго ссун-гвангъун унеб.

Щайзе мун ахIдолеб, хIикматаб гагу,
Гургинал саназул сияхIги рехсон?
Дир раккулел тIугьдул тIегьан унеб ах -
Хех рикIкIунге дие дир ихдалил мех.

Щайзе мун ахIдолеб, хIайранаб гагу,
ХIикматал гьаркьаца саналги рикIкIун?
Дир речIалел тIугьдул, тIерхьун унеб бакъ,
Къокъ рикIкIунге дие дир хасалил мех.

Инхокъвариб кIкIалахъ кIудияб гьунар,
Гьава дуца цIцIураб цIумазул тIалъи,
ХIайранал кучIдузул кенчIолеб жавгьар,
ГанчIазда аскIоб дур бугеб батIалъи!

Жеги цIубай абе цIакъго дур гьунар
МагIарул цIумазул цIарал ахIизе.
ЦIумада районалъ Инхокъвариса,
Сабигатги йигин ракIчIун абизе.

Цебего дир рекIелъ бакI ккурай шагIир,
Дур кучIдуз жеги дун гьавила асир.
Гьезулъ дий вихьила ХIамзатил Расул,
Гьез дие цIи-цIияб гьабила асар.

Инхокъвариб кIкIалахъ бижараб гьунар,
Кьалбал дора руго, гъветI нилъгун буго.
ГIакъилал кучIдузул кенчIолеб жавгьар,
Гьакварие ячIун Сабигат йиго.
30 апрель 2005 с.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.