Гьекъе, къуле къадру чIвай,
ЧIалгIада къоял тIаме,
КIутIе къали, пуй зурма,
Заман кепалда биччай.
БухIе хъазан, хIуле хъаз,
Хъатги кьабун кьурде гьарс,
ХIарамлъи гьанибгIан цIай
ХIалаллъи добегIан цуй.

Далалай ва дилалай
Чагъир гьекъезе давай,
ШайтIаналда мугъги чIван
ЧIалгIаде хвезе давай.
Кино, кагътал, казино,
Киналго рестаранал,
Сауна, пивной барал
Квегъизе гьудул давай.

ГIолохъанлъи кепалда,
Херлъи гIибадаталда,
ГIалжан щвелин хьулазда,
Хьибил чIван мунагьазда.
Бугьтан–гъибат мацIалда,
МагIишат хивалазда,
Бикъа–хъами кверазда,
Щибгун ахираталда?