Мун ана, хазина, дунги гьаний тун,
ЛъикIго йикIайилан дидаги абун.
Мун ана, хирияв, хадуб угьдулеб
Дир гьинал ракIги тун, гIодулей дун тун.

Кочохъ гIенеккунги дир ракI гъоларо,
ГIораллъун чвахула меседил гарал.
Кино балагьунги заман унаро,
АскIов мун гьечIого, пикрабалъ йикIун.

Меседил гъуниги дий хIажат гьечIо,
Дие вокьулев те, дун гьесие те.
Бечелъи, гIи-боцIи къваригIинаро,
Сахлъиялъ босила тIолго дуниял.