Къаси хIалтIудаса рокъое щвейгун
Свакан гIодоб ккола гьаб дир гьинал ракI.
ГIемер дур пикрабаз рекIел ссудиялъ
Цо батIайисаго кьижун ятула.

Хадуб макьилъ дида цебе тIамула
Гьайбатаб лага-черх, берцинаб гьумер,
ТIугьдуз бацун бугеб гьайбатаб майдан,
Майдан бакьулъ рещтIун мун, дир вокьулев.

Унго рекIел дарман, гьайбатлъиго щиб
Гьаб дунялалъулги гIумруялъулги.
ГIасилъиго щиб чIу гьаб рокьиялъул
Рукьби хутIизегIан гьан турун унеб.