Дир рокьи ккун бугин, ракI унтун бугин,
Хирияв, мун лъайгун, гьудуллъи ккейгун.
ГьечIебин дий рахIат мун вихьичIого,
Бералин свакалел нухде балагьун.

Щайзе вачIунарев, гIедегIуларев,
РакIалъ цIаларевищ, васав, мун дихъе?
Макьу тIезабурав, квен тезабурав,
ЧIалгIен буссинегIан аскIове вачIа.

Къаси кьижулелъул берда цеве мун,
Кьижун ккун хадусан макьиги мунгун.
Радал тIад яхъиндал кIалдибго дур цIар,
Михъал дур хIулаяв, щай вачIунарев?