ВатIан цIунулезул къо тIаде щвейгун,
РакI къварилъахъдула нуж ракIалде щун.
ГIолохъанал васал, лебалал цIумал,
Ахират лъикIаб щун хIалхьун ратаги.

Дир росу-ракь цоял, кьерилал васал,
ВатIаналъе гIоло би тIурал васал.
Нуж гIадал бахIарзал ракьалъе кьедал,
ЧIухIи ва рецц дуе, ЦIумада район.

Нуж хвана бахIарго, амма нужер цIар,
ХутIана щивасул рекIеда бикIун.
Район цIунулаго хварал нужее
Къойилго къулула нижеца бутIрул.