Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Заман щун буго

Ассалам гIалейкум, магIарул вацал,
Кин бугеб ахIвал–хIал, кин бугеб сахлъи?
ЩвечIиш жеги заман, мугIрузул цIумал,
Бецлъун рукIинчIого, берал рагьизе?

Макьуго кин щолеб, нилъер вацазде,
РекIел унтиги ккун милат букIаго?
Рицун маргьабигун, жалгоги реццун,
Ихтилат–кепалда кин чIезе кIолел?

Малакь миллатги лъун, хъулухъги босун,
Жеде–жедер гуреб ургъелги кIочон,
ЧIалгIун гьечIиш харбал, кир ругел ишал,
Тезе заман щвечиш, гIарцухъ яхI бичи?

Имам Шамилица цолъизабураб,
Жеги магIарулаз щула гьабураб,
Хирияб дир ВатIан, гучаб Дагъистан,
Заман щвечIиш дуе, бетIер борхизе?

МагIарул миллаталъ кIодо гьарурал,
Миллаталъул цIаралъ хъулухъ, чед щварал,
Кир ругел жакъа нуж, щай рикIад чIарал,
Чарал харбал рици чIалгIунго гьечIиш?

ТалихIищ къосараб магIарулазул,
КIазал ретIиялде нуж ккезе ккани.
ГIи–боцIи лъугIуниш тIагърал рукъизе,
Ялъуни гьел лъезе бутIрул тIагIуниш?

Щай нилъ риххун ругел доре–гьанире,
Цер бокьоб бачIидал гIанкIаби гIадин,
Ялъуни ункълълъарил щайтIабацайищ,
МагIарулал щущахъ риххизарулел?

Хабалъаги рахъун хварал умумуз,
Бадибе хIацIу тун, цIалаца рухун,
«ТIагIа цересаян – яхI бичараб гIел!»,
Кванараб чед хIарам гьабизегIаниш?

Абизе рагIаби гIемерал руго,
Гьезул пайда гьечIо, ишал гьечIони,
Жакъа миллаталъул хадусеб гIумру,
Нилъер гъункиялда гуриш бан бугеб?

Заман щвана ваццал, бералги зурун,
ЖахIдаги, мацIалги, маргьабиги тун.
Бугъбузул, бачазул гIамалалги тун,
Миллаталъул къисмат кодоб босизе.

Вацал гIадин цадахъ, къуватги гIуцIун,
Киназго цоцазде божиги гьабун,
КIудияца малъун, гIисинал ричIчIун,
ГIакъиллъи цебе ккун, гIумру гьабизе

Гьарула цолъе нуж – заман щун буго,
Къисматалъул къоял тIад гIунтIун руго.
РакI унтун, бутIруца гIакълу данде бан,
Цолъе, гъунке, ургъе, вацал ва яцал,

Жакъа ВатIаналъе кIудияб хIинкъи,
ХIалихьатаб къавмалъ кьолеб бихьула.
МагIарулаз байрахъ борхун квечIони,
КIала–гъоркье уна метер Дагьистан.

Аллагьгун Авараг (с.т.в.) ракIалдаги ккун,
ХIакъикъияб куцалъ тавбуги гьабун,
Къуръаналда квер лъун, гьедун рагIи кьун,
РачIа магIарулал гIумру гьабизе.

Дагъистан цолъула нилъ цолъанани,
Цолъе, гъунке гьанже, мугIрузул цIумал.
Цолъи гIадаб къуват нилъее гьечIо,
РачIа магIарулал, тIаде рахъинин!
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.