Добго цIулал цIумги, цIияб суратги,
ЦIумадисезул сайт хисулеб буго.
Халилуллаевас бахъараб яхIалъ,
Росабазул гIумру бихьулеб буго.

Нужеца яхI бахъе сайт цIи гьабизе,
ЦIиял хIужабиги ХIусенихъ ритIун.
Нилъер умумузул эбелаб ватIан,
Хадусел гIелазе лъалеб букIинзе.

РикIкIаде сапаралъ аралщиназе,
Росдахъ урхъанани суратал гьенир.
Тарихги, гIелмуги маданиятги,
Бокьулезе рагьун разделал гьенир.

РикIкIаде цIар арал ЦIумадисезул,
ЦIаралги, гьунарги гьаниб рехсола.
Россия чIухIарал речIчIухъабазул,
Халатаб сияхIалъ хасаб бакI ккола.

Рагъул гIахьалчагIи, улбул героял,
Гьоркьов чи течIого гьенир лъун руго.
Гьобол-гьудуласе хъвай-хъвагIай тезе,
Рагьараб цо хасаб къотIелги буго.

Мавлидал, туркаби, тавбу, марсият,
Тартибалда рекъон кьун руго гьенир.
Динул исламалъул аслаби рицун,
Рицатал тIахьазул тIанчалги гьенир.

Гьунар бугевщинав районалъул чи,
Ватула сайталда сияхI бегани.
Сахлъиги гIумруги кьейги ХIусений,
Гьесий квер бакъарав МухIамадийги.