Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

ГIагараб дир ЦIумада

МахIмуд-Апанди МухIамадов 12 май 2015 сон
Ассаламу гIалайкум,
ГIагараб дир ЦIумада,
ЦIумазул улкайилан
Кибго цIар тIибитIараб.

ТIабигIияб гьайбатлъи
Бичас гьарзаго кьураб.
КьучI рекъарал умумуз
Бечедаб тарих хъвараб.

РакIал гIатIидалилан
ГIадамазул цIар араб,
ГIумру берцинабилан
Биценазулъ хутIараб.

Халкъ урхъарал ишазул
Устарзаби рахъараб,
Ассал багьадурзаби
Дагъистаналъе кьураб.

ВатIаналде къо ккедал
Къолденлъунги чIана нилълъ,
Къади Абакаровас
Тараб мисал гIеларищ?

Дунялалда рагIарал
РечIчIухъабиги нилъер –
Сайгидилгун, Сажидил
Бергьенлъаби лъаларищ?

ГIелмуялъул борхалъи
БосичIищ АсхIабовас,
Сахлъиялъул хъаравул –
Тохтур ГIабдулхабиров.

Хъварщиса Загъаласул
Баракат кибе инеб, –
Кинаб рахъ рехсаниги
Мисал буго ЦIумада.

МавлидчагIиги нилъер –
ХIусайнияв гIадинал,
Муршидзабиги нилъер –
ПирмухIаммад гIадинал.

Вализабиги нилъер –
Сасикьа ХIосен гIадал,
Шайихзабиги нилъер –
Гъамбулат-хIажи гIадал.

Церехъабиги нилъер –
ГIабдулгIазиз гIадинал.
БахIарчиял чагIиги,
ГIалич МухIаммад гIадал.

ГIакъилзабиги нилъер
АхIмад ГIазизов гIадал,
Меценаталги нилъер –
КъурбанхIажияв гIадал.

Художникалги нилъер –
Гьигьалъа ГIали гIадал,
ГIалимзабиги нилъер –
Ланда Камил гIадинал.

Тохтурзабиги нилъер –
ГIали-хIажияв гIадал,
ШагIирзабиги нилъер –
Сабигат-бика гIадай.

Ассаламу гIалайкум,
ГIагараб дир ЦIумада,
ЦIумазул улкайилан
Кибего цIар рагIараб.

Нужое салам кьезе
Дагьав кватIун кканиги,
Дунги цIумазул васин,
Восе нужер сверулъе.

Харахьиса инсуе,
Кванхиса эбелалъе,
Аллагьас кьурав сайгъат
Ракьцоявлъун лъазаве.

ЧIухIула дун дудаса
Дир гIагараб ЦIумада,
ЦIар борхат хутIаги дур
Даим Дагъистаналда.

Рохалие гурони
Нилъ данде руссунгеги,
Байрам баркун гурони,
Каламги рагIугеги.

Ассаламу гIалайкум,
ГIагараб дир ЦIумада.
ЦIумазул улкайилан
Кибего цIар рагIараб.


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.