Къадги канлъи дагьал, росдал къватIахъан,
Къаси-къаси йиго къокъуней макьилъ,
Гъоркье балагьани, бетIер сверулеб
Сверабазда йиго щибаб сордойил.

Росда тIад къулараб кьурул парсахъан,
Палугъан гIадинав уней йихьула.
Хъудулеб лъаралъул хъуялда гъорлъан
АхIулеб дур кочIол бакъан рагIула.

ТIоцеве мун дида дандчIвараб каву,
КагIба гIадин буго цебе тIамулеб.
Мун дие йокьулин шурараб рагIи,
РагIула жегиги такрар гьабулеб.


Дол ролъул хурзазул карачелазулъ,
КIиялго нилъ цадахъ руго лъедолел
Чвахун балеб цIадукь хIатIида гIицIго,
Церего гIадинан руго сверулел.

Дун лъадай хьвадарал мугIрул сухъмахъал,
Мун вихьула гьудул дие нухги ккун.
Дун къечон вугилан, лъим кьеларащан,
Лъадал бералгун мун вуго валагьун.

Таманаб мех анна мугIрул тун,
Макьилъ кидаго щай духъе юссуней?
ТIоцебесеб рокьи цебего анищ,
РакIалда щвеяз дун щайдай толарей?