МагIарул мацIалда руго рагIаби
РекIей парахалъи жодоца кьолел,
ГIумруялъул магIна биян гьабулел,
Гьабулеб ишалъе хъаравулзаби.

КIудияб хазина, гIакъилаб рагIи,
РагIун пайда гьечIо гьел ричIчIичони.
Гьале гьел рагIаби, ургъе нужгоги,
Намус, ияхI рокьи, гьудуллъи, божи.

Аслиял рагIаби намусгун ияхI,
Нилъ такъсирлъиялде гьакъулеб сангар,
Сунде данде кколеб гьезул борхалъи
Умумуз нилъее ирсалъе тараб.

Рокьи гьечIеб гIумру , лъим гьечIеб гIеретI,
ГIадада тIамулел гIумрудул къоял.
Божилъи гьечIони гьелъ чIвала рокьи,
РекIелъе лъугьуна хIапара-щаклъи.

Гьудуллъи, гьудуллъи, чIахъа гьудуллъи
Гьеб рагIиялъул цо унго берцинлъи,
Гьудуллъи, гьудуллъи гьаб дуниялалда
Дие бокьун буго кибго букIине.

Гьудуллъи бугони халкъазда гьоркьоб,
РукIунаро рагъал, холаро васал,
Гьудуллъи бугони миллатазда гъорлъ
МагIу лъималазухъ тIоларо улбуз.

МагIарул мацIалда раго рагIаби,
РекIей парахалъи жодаца кьолел,
Гьале гьел рагаби, ургъе нужгоги,
Намус, ияхI, рокьи, гьудулллъи божи.