Цойги нухалъ росдал лъарал рагIалде
Лъадай цIезе анищ, гьудул дун щвезе.
Цойгиги нухъалъ доб хурул ракьанда
Кьижизе бокьила ракI гIорцIизегIан .

Дир рекIелъ букIараб аваданлъигун,
АхIизе анищ кечI, гьаракьги борхун,
ГIумру чIаголъулел дол сухIматазда
Кьуздизе анищ цо дир кьерилалгун.

ГIумруялъ лъураб гьир, тIохдеги яхун,
Харил магь гIадинан гIодоб рехизе.
Дир лъукъараб рекIел ругъун сахлъизе
Рагъидаса гъоркье цо балагьизе.

Чваххулеб лъаралда, бер кIутIарабго
Кинабго къаварилъи, кIочон батула
Гьелъул гьаракь дида гIинда чIварабго
ЧIегIерал ургъелал нахъе хъамула.