Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Бице мугIрул

Дир хириял мугIрул руцIун чIолел?
РукIарал рагъазул кин бицунареб?
Яги гIенеккулев чи гьечIогойищ?
Ялъуни рагIуде гIин бачIогойищ?

Бице дида дурго васасул хабар,
Халкъалда цIар арав АличмухIамал,
Анкьракьалъул бодул цевехъанасул,
ТIиндадерил гъалбацI Аличуласул.

Жегиги гьитIинго гIелму цIаларав,
ЦIалулел тIахьазде рокьи цIикIарав.
Росабалъ хьвадун лъай, камил гьабурав,
Динул церехъабаз гIелму малъарав.

Богос мегIералъул щулалъи щварав,
ЩватI бугеб черхалъул мугIрул гIолилав.
КIигъуждулъан гIебав, гIамал берцинав,
Баргьун гуронани, жив къун чIоларев.

АнцIила ичIиде хIежги борхарав,
Къуръан хIадисалъун магIна босарав.
Къого сон балелде бодул цевехъан,
БачIунеб гIелалъги бетIер къулулев.

Имам Шамилица гъазаватилан,
Халкъалдехун хитIаб гьабурав мехалъ
Анкьнусго чиясул боги бакIарун
АхIул гохI цIунизе цIиркълъун рештIарав.

Бице дир АхIул гохI цIоб гьечIеб рагъул
Ракьалда тIунщинаб бидул гIоразул.
Нусиялда кIикъого солдатазул,
Цо къоялъ бахъарал гьазул рухIазул.

Бице дида, бице лъукъананиги,
НахъегIан къачIезул, цере гурони
Асирлъиялдасан хвелго лъикIилан
Хучдузул балазде данд кIанцIаразул.

БахIарчиял цIумал чIахъула дица
МугIрузул каранда цIарал хъвай гьазул,
Аличул МухIамад ва Усайл
ТIинди росулъ гIурал багьадурзаби
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.