РакI бухIунги гьечIо , гIодулей гьечIо,
ГIуждаса арб мех ахIулеб гьечIо.
ЧIобоголъана ракI, рокьи тIагIана,
РатIа рукIаниги батIалъи гьечIо.

РикIада хутIараб доб тIогьалаб ах,
Цойгидаца биччай пихъ бакIаризе.
РукIарал анищал щущан аниги,
Щибго гIайиб дуда чIваларо дица.

Щибилеб дир гьудул гьаб дунялалда,
Къадар батIайиса хъван батунилан.
Дур гIумрудул гама биччай лъедезе,
КвачI бан гьелда хадуй дун гIунтIуларин