ЦIолбол гьабу буго гьотIода жемун,
Гьанжне данделъарал бахIарал гIадин.
ВачIун ахихъанас цIоб гьечIел квераз .
РухI гьечIеб хIободе бухьана гъабу.

Гъабу гъотIодеги балагьун буго,
Балъго гьелда хадуб угьдулеб гIадин.
ГIаркьалаби руго гьелъул хьвагIелел,
ГIищкъуялъе къолъикIгьабулеб гIадин.

Дидаги хирияв щвана ракIалде,
РикIада хутIараб доб талихIаб их.
Дуда къвалги жемун рогьарал сардал,
Сундулго ракIалда букIинчIеб ургъел.

Амма талихI нилъер батана къокъаб,
Къисмат-ахъанас къотIун лъуна гьеб.
Нилъер гIумруялъул цолъичIел нухал,
Нухда кIиязего батичIеб талихI.