Бакъги тIерхьун ана, дунял бецIлъана
Бокьун гьечIо дие рукъой юссине.
ГIодобе биччараб гьаб роол сордо
Сунца дир рекIее рахIат толареб.

БукIараб рокьийищ араб гIишкъуйищ,
ГIадалаб дир рекIелъ тIепун чIун бугеб.
Ва цойидасанго, расги лъачIого
Данде дов вачIинин, божийищ бугеб?

Вай гъаримаб дир ракI, гIадалаб дир ракI,
ГIададисеб божии, гIодоб рехун те.
Цебего бекараб дир рокьул суркIа,
Седонилан гьанже чIоголъиларин.