Аслияб тIалаги къачIа - кIатIана
Бан ахиралде щун мажгит лъугIана
Амма лъим бачизе, минара базе
Саламатаб хIалтIи жеги дагь гьечIо

БацIцIадаб меседил багьа холаро
РакI бацIцIадаб нигат гьабула гьанже
ХIалтIукьа хIинкъичIо - гъуждул гурана
ТIубазе къеркьана гьабураб нигат

Бащадабги гьабун хIалтIи хутIани
Миркалъго гьабичIеб жолъун рикIкIуна
Лъим жаниб гьечIеб мажгит тIубачIо
Минара гьечIони - мажгитги къулгIа

ГIезегIан захIматго жамагIат хIалтIун
ГьечIеб санагIатги къуркьизе гьабун
Анищлъун букIараб лъимги чвахана
МунпагIатаб ишалъ ракIал рохана.

Кибго цIеханиги гьеб бараб заман
Лъазе квечIо кинго, хъвай - хъвагIай гьечIо
ТIад тарих хъван лъураб гьецIо букIанин
Абулебни букIун буго цебехун.