Гъарачилъи тола - гьоболъи ккола
Росулъе щолезул къадар цIикIкIала
Бича хиси гьезий рекIее гIола
ХинкIил тIагIам бергьун - гьудуллъи ккола

Хурзал чIахIалулъа - хIалухъин тIокIлъун
ГьечIелъухъ гьеб хиси гIадатлъун ккола
ЦIамгун пихъ хисула инххелдерица
Чохгун гьан хисула дагъбашисезги.

ГIемерал росаби чед -тIехалдалъун
Хьезарулеб бакIлъун ТIинди лъугьула
Бича - хиси гьечIеб гьардохъабазги
Росдал къватIал мерхьи гIадатлъун ккола.

Цебесеб гIумрудул ахIва - хIал лъалез
Гьоболлъухъе щведал гьикъа - бакъиндал
Жодода рагIараб бицула нилъей
Нилъер умумузул гIаданлъиялъул

Бицана:

Гьедин Дагъбашиве гьоболлъухъ щведал
Нусида вахарав херав кIудица
Киса - щивилан абун цIехан хадуса
РекIелъ бугеб пикру загьир гьабуна

ТIиндадерил мегъалъ хьихьанин Дагъбаш
Гъоркъ магъилъ бижараб ролъул хинкIалъул
ТIагIам жинда лъалин батIа - бахъизе
Цогидалъ хисизе гьеб жеги кIвечIин.