Дир хирияв диналъул вац, дунялалде витIарав лагъ.
Аллагьасул мажгит рокъоб, ракI бацIцIадго лагълъи гьабе.
Гьаракь борхун гаргадуге, гуреб бицун къацандуге.
КъваригIел гьечIел хабарал, хадур дора къватIахъ рице.
Берцинго адабал цIунун ,Аллагьасе тIагIат гьабе.
Гьаракь борхун къуръан цIале, цIа рекIелъгун суннат тIубай.
ТIолго дур черх сороледухъ, Лаиллагьа иллаллагьгун,
АлхIамдуллилагь рехсела, субхIаналлагьан абила.
Аллагьуакбар ахIила адаб гьабун мажгиталъул
Аллагьасе какги бала, бацIцIадаб рекIелъ, ниййятгун,
ИгIтикафалдаги чIела, чIанда хабар бицунелгун,
Гьудуллъиги рехун тела.