Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Шагьидзабазул ахIи

Биссмиллагьи ррахIмани ррахIими
Ниж лъебералда ичIилъ, рухIарал роол моцIаз,
МагIаруллъиги цIунун, цIадар кIанцIун рухIарал.
Ракъун къечон рагъарал, ругъназухъ балагьичIел,
БахIарчиял руччаби, ярагъ борчун рагъарал.
РакI хъубав тушманасе асир гьаризе чIечIел.
ЧIегIер ГIанди гIурулъе, кIанцIун гъанкъун тIагIарал.
ТIолго АхIул гохIалда гамчIаздагин ракьалда.
Рукьбузгин нижер биялъ, бацун буго гьаб тIалъи.
ТIадегIанав Аллагьас гьунар кьурал бахIарзал.
Кьижун теян гьарула, гьанжегIаги нужода.
Нижер адабги гьабун, гьанир рачIун ратани
Ралагье рикIкIадасан ракI пашманго нижеде.
Нужер гьунар батани, Ясин цIале цIакъ лъикIаб,
Лъаларес къулгьу гьабе, Аллагь гIемерав рехсей.
РекIелъ Аварагги ккун, кколеб салават битIе.
БатIаго дугIа гьабун, гьебги нижеде битIе.
Малаца ниж мерхьунги, мацIалъ гъибат гьабуге
Гьудуллъи щула гьабун, гьоркьоблъи гьуин гьабе.
Гьаб магIарул ракьалъе, гьелъул мискин халкъалъе,
Лъай бугев, гIакълу бугев, гIаданлъи чорхолъ бугев,
Чидар гъин кваналарев, кванаравги толарев,
Имам Шамил гIадинав, инсан бетIерлъунги те.
Толарезде рагъизе, ниж гIадин тIаде рахъа.
Хъуди зигардиги тун, хIалаллъи тIалаб гьабун
ТIадчIун захIматги бачун, магIишат щула гьабе.
Гьаб Дагъистаналъул ракь, цIакъ бечедаб ракьин гьаб
Гьалъий хъулухъги гьабун, парахат гIумру гьабе.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.