Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Хъуштадерил басрияб мажгиталде

Ункънусго сон бараб Аллагьасул рукъ
Къваридго хутIидал хвелищ бищараб?
Бесдаллъун чIечIого хадур ругезул
РакIал къварилъизе къадарищ щвараб?
Муршид Гъумукъияс цо - чамго соналъ
Сабруялда тIагIат гьабураб мажгит
Шайих Шамилие Загьидат кьезе
Кьварарал бахIарзал жани рештIараб
РакIалъ Аллагь рехсон суннатал тIуран
ТIадаб магьари лъун гьел нахъ руссараб
Мунагьал чураяв дов Сугъурияв
ВачIун Аллагьасде хIелараб кIалгIа
КIалалъ Аллагь рехсон Сайид ГIободи
ГIодун вагIза гьабунт кIалъараб мина.
Мун берцин гьабурав мун цIи гьабурав
ПирмухIамадхIажи рахIимагьуллагь
Гьес бетIерлъи гьабун хъущтадерица
Цадахъ лъугьун бараб мажгитул хIарам.
ХIусен устарасгун Герей ХIажияс
ШапихIажиясгун Гъазун ХIажияс
ГIалихIажиясгун Нажмудиница
Жанир какал рараб хирияб равза.
Радакь боголида замана лъазе
Лъураб мимбаралда багIараб чирахъ
Чан росдал халкъалъе гьеб дур канлъиялъ
Какал ралеб заман бихьизабураб.
Бурулеб цIаялъул цIадул боркьиялъ
Бащадаб росуги бухIана дуца.
Дур ццин бахъиналъе гIилла букIана
ГIадамал дудасан кьурун руссарал.
Росдал жамагIаталъ бесдал гьабидал
Гьелчолеб цIа лъуна Аллагьас дуда.
Динул Исламалъул гьаракь къотIидал
Къадар тIаса бищун паналъана мун.
Мажгиталда жаниб пашманаб хутIба
Хвел тIаса бищараб дуца рузманалъ.
Рузманал гьареян гьари букIана
МухIаммад Сайидил гьебги тIубачIо.
ТIаде вачIунев чи камураб мехалъ
Как ахIулеб гьаракь гьебги къотIана.
Къадар дуй щваниги щвела замана
Дур бакIалда цIияб мажгит рагьараб.
Росдал жамагIаталъ рехун таниги
Теларо мун рехун духъ рокьи ккараз
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.