Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон

Назад

Микьго суал

Цо нухалъ Шакъикъица, гьикъана ХIатимиде,
ХIатим чан сон бугебан, дица дуй лъай кьолебан
Лъебералда лъабго сон, бугилан, кьуна жаваб
Же бицея дуй щвараб, гIелму - лъаялъул хIасил
ХIал чIахъаяв дир устар, дий бергьун гIелму щвана
Щибго шаклъи гьечIого, микьго суалги лъана
Гьас бицулеб щибилан, Шакъикъ ворхун ахIдана
Аб дир гIумру кинабго, дуда цадахъин араб
Бицея дуца дида, гьел суалазе жаваб
Жаваб гьадинаб бугин, бицана мутагIилас:

1


ГIадамазда хадув ун, хал гьабидал хIакълъана
ХIасратаб рокьиги ккун, цадахъ гIумру тIамулел
Амма хвараб мехалда, хабалъ ратIаго лъолел
Лъайдал дица рищана, диего рокьулеллъун
ЛъикIал дирго гIамалал, цадахъ хабалъ росизе
РакI-ракIалъ къабуллъанин, тIоцебесеб жавабан
Же бице кIиабилеб, суалилан абуна,

2


Аллагьасул рагIаби, рекIелъе жанир кканин
"Кидаго Дида цере, чIезе хIинкъулел лагъзал,
Гъира, шавкъ, гьава тарал, алжаналде лъугьина"
Гьеб битIараб калам лъан, дица гьава - шавкъ тана
Аллагьасе мутIигIлъи, дица тIаса бищана

3


БакIарун месед-гIарац, цIунулел гIадамазул
ГIакълу гьечIолъи бихьун, бачIана цоги суал
Санайил дихъе щолеб, багьа бугеб щинаб жо
Божизе Аллагьасда, гьабун кидаго тезе
Кана гьелъий гIиллалъун, къуръаналъул цо аят,
"Аллагьасухъ хутIула, нужехъ бугеб лъугIула"

4


ГIагарлъиялъул бухьен, машгьураб жудер рижи
Жакъасел бергьенлъаби, бечелъи, лъикIаб хъулухъ
ХъантIарал гIадамазе, гьел ратана рохеллъун
РакIалъ дица бищана, Аллагьусукьа хIинкъи
ХIакъаб къуръаналдаса, аят цIалана дица
"Дида цеве къадруяв, Дидаса жив хIинкъулев"

5


ХIеренго гIадамазухъ, дун валагьизе гIила
ГIададасеб хIал хъублъи, цоцада гьоркьоб бугеб
БерчIегIерлъи, дагIбади, хъантIлъигун бербахиллъи
Бичасул каламалда балагьидал батана:
"Рикьанин Дица нужой дунялалъул нигIматал"
Нахъа дица мал бана, берхъублъиялда дирго

6


Бихьана гIадамазул, цоцахъ бугеб рокьукълъи
Рагъал гьарун гъурула, гъара бахъун чIван рала,
РакIал рицатал шинал, шайтIаналъе лагълъула
Рагъ бана шайтIаналде, щибаб цоги бокьана
Бичасул аяталъин, абулеб бугеб дида
"Дур тушман шайтIан бугин, щибаб къоялъ рагъ байин"

7


Бихьана гIадамазул, гIасияб хъантIаб гIамал
ГIодорегIанлъула гьел, чадил кесек сабаблъун
Суал бачIана жибго, Аллагьасул аяталъ:
"Аллагьас хьезабичIеб гьечIо дунялалда рухI,
РетIинегун регизе, кваназегун гьекъезе".
Гьединлъидал гьеб хIалтIи дица Бичасухъ тана,
Танкан гIелмуги цIалун цIикIкIун Аллагь рехсана.

8


Аллагьас кьурал щинал, нигIматал жодорин ккун
Киналго хIалтIабазда хIал бичун тIад хIалтIула.
ХIалтIиги гIадамалги, рижарал Бечед вукIин
КIочон тезе бегьилищ, бачIараб аят гьечIищ.
"Аллагьасда ракI чIарав, Бичасе гIурав вугин".
ГIодун гIибадат гьабун гьарула Къадирасда
Къойил Аллагь рехсезе, дие тавпикъ кьейилан.
Кьеги тавпикъ дуй ХIатим, хира гьабизе ислам
Аллагьас квер бакъаян Щакъикъ гьесда кIалъана:
Инжжилалъгун, Тавраталъ, Забуралъгун, Къуръаналъ
Кьолел руго микьабго суалалъе жавабал.
Гьел суалал лъалев чи лъугьина гьаб ункъабго
ТIехьалда ругел щинал жо лъалев гIалимчилъун.
ГIалимзабиги руго кIиго батIияб тайпа:
Бечелъизе бокьулел, гьуинаб квен кваналел,
Кепаб гIумруги бищун ретIа-къан жал хьвадулел.
Гьединал гIалимзабаз кIочене гьабула дин
Аварагзабаз босун нилъехъе жиб бачIараб.
Буго цойгиги тайпа Аллагьасул диналъухъ
Дунял бичун хьвадулел ахират тIаса бищун
Бераз магIу кколарел, какарал пишаби тун
Бичасе жал хIелулел, Аллагьасдасан хIинкъун
РакIалъ Аллагь рехсолел ратаги нилъги ХIатим.
Гьеб тайпаялъул агьлу.
Назад


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.