Х1акъикъияб тарих хъвазе ккела Сайгидах1мад Ах1маднабиев Хасавюрт район Ц1ияб Сасикь росу.
Источник: Газета "Х1акъикъат"
Ахираб заманалда г1емер бицизе ва хъвазе байбихьун буго тарихалъул т1ахьазулги, гьел т1ахьаздасан дарсал кьеялъулги. Улкаялъул т1алъиялъги бай бихьун буго гьелда к1вар кьезе. Бит1араб буго, кьезе ккела, амма ч1ег1ералда ч1ег1ерабин, хъах1алда хъах1абинги абун. Гьанжесел тарихазул т1ахьазда гьеч1ин Дагъистаналъул революцинеразулги, партизаназулги бицунеб. Гьеч1ин гьезул сураталгиян хъван буго Ц1умада районалъул Т1индиса М. Гъазиевас (Х1акъикъат №158-161) «Хъвазеги», «малъизеги» ккела хадусеб г1елалда дол камунистазул идеалогия. Гьел большевиказ х1урият бахъулел соназ чан бат1иял, къват1исанги жанисан ах1ич1ел гьалбал рач1арал Дагъистаналъул халкъал цоцаде «гьусизе». Бичераховалги, Деникинилалги, Коньчакалги. Вац вацасде дандеги т1амун, ункъо-щуго соналъ дагьаб халкъищ гъурараб Дагъистаналъул. Гьел больщевиказги партизаназги рух1арал росаби нилъер гурищ рук1арал? Ч1валелги, бусурбаби гурищ рук1арал. Большевиказул рахъалдани ц1ик1арасел капурзаби рук1анин.
Далее
30.06.2010 http://www.tsumada.ru//news/22956
|