Независимое информационное агентство «ЦУМАДА.ру» rss tsumada.rutube.ru  rss новости 


Архив новостей , персон



Сасикьа Х1усен-афанди

РЕХССЕЙ НУЖОЦА АЛЛАГЬ

 


Я дандлъарал гIадамал рехссей нужоца АЛЛАГЬ
АЛЛАГЬасул нуралъул асар загьирлъизегIан
АЛЛАГЬасде ракI букIун баче нужоца зикру
Зикруялъул анвараз зулматал рухIизегIан
Данделъараб жамагIат хIузуралда бай зикру
Гьава нафсалъул амру асираблъун ккезегIан
Иллагьиял анвараз зулматал рухIизегIан
ЛатIаипазул нурал нужой загьирлъизегIан
Зикруялъул анварал иллагьияб ракIалъул
Иллагьиял анварал ракIалда рещтIизегIан
ХIузур гьечIеб зикруялъ асар гьабуларелъул
ХIузуралде даимлъе данделъи биххизегIан.
Гьедин зикро бачеян бичасул амролъидал
Амроялда нахъ рилъун мутIигIаллъун ккезегIан
Нилъеца АЛЛАГЬ рехсон даимлъанагIан гIужалъ
АЛЛАГЬас нилъги рехсон макъсудалде щвезегIан
РухIул гIибадат зикру зулматал унеб зикру
РакIал гвангъулеб зикру ЛАИЛЛАГЬА ИЛЛЯЛАГЬ
ЛатIаифал рацIунеб чороклъаби чурулеб
Иман камил гьабулеб ЛАИЛЛАГЬА ИЛЛЯЛАГЬ
Анварал хIасурлъулеб хIузур жамгIият щолеб
ЩайтIаби рачахъулеб ЛАИЛЛАГЬА ИЛЛЯЛАГЬ
РухI бахъи бигьалъолеб хабал гIазаб дагьлъолеб
МахIшаралда батулеб ЛАИЛЛАГЬА ИЛЛЯЛАГЬ
ХIабибгун гьалмагълъолеб гIаршалъул рагIад щолеб
СиратI бигьа гьабулеб ЛАИЛЛАГЬА ИЛЛЯЛАГЬ
АЛЛАГЬги разилъулеб расуласе бокьулеб
Бокьаралъуб рачулеб ЛАИЛЛАГЬА ИЛЛЯЛАГЬ
Алажан хIалал гьабулеб жужахI хIарам гьабулеб
ХIабибулагь воххулеб ЛАИЛЛАГЬА ИЛЛЯЛАГЬ
Гьаваялда тIил балеб тIагIат гьуин гьаболеб
Хабалъ нурлъун батулеб ЛАИЛЛАГЬА ИЛЛЯЛАГЬ
Абизе жиб бигьаяб жиндир багьа кIудияб
РакIал гIатIид гьаболеб ЛАИЛЛАГЬА ИЛЛЯЛАГЬ
АЛЛАГЬ вацIад гьаволеб гьев цо вукIин бицунеб
Бачизин хIузуралда ЛАИЛЛАГЬА ИЛЛЯЛАГЬ


© 1999—2013 Сайт культурно-исторического наследия цумадинцев
Техническое и финансовое обеспечение: Магомед ГАДЖИДИБИРОВ и др.         Автор — Магомедгусен ХАЛИЛУЛЛАЕВ
e-mail: director@torgvisor.ru   тел. 8-963-797-40-07 // CMS для этого проекта разработан компанией TorgVisor.Ru
Вариант для печати вернуться в начало сайта
Мнение редакции независимого информационного агентства ЦУМАДА.РУ может не совпадать с мнением авторов статей, которые несут ответственность за достоверность приводимых данных в своих публикациях. Опубликованные материалы могут содержать недостоверные данные. Все материалы данного сайта являются интеллектуальной собственностью их авторов, полная или частичная их перепечатка без разрешения редакции запрещена.