1992 сональ Гьоркьгьаквари росдал гьоркьохъеб школалда микьго классги лъугIизабун Избербашалъул педучилищеялде цIализе лъугьана Изабелла Давубдегова ва 1996 сональ лъикIал къиматаздалъун гьебги лъугIизабун гIагараб росулье тIадюссарай гьей хIалтIизе лъугьана росдал школалда цебе бугеб интернаталде тарбиячIужулъун. ГьабсагIаталда Изабелла хIалтIулей йиго ТIисси росдал гьоркьохъеб школалда. Гьелъ захIмаТалъул ва музыкаялъул учителасул хIалтIигун цадахъ бажарун цебехун бачулеб буго школалъул пионервожатиясул хIалтIи.

Музыкаяльул дарсазда гьелъ ругьун гьарулел руго лъимал батIибатIиял макъназда ватIан бокьиялъул, гьудуллъивацлъи щула гьабиялъул, интернационалиял ва цогидалги темабазда хурхаралкучIдул ахIиялъе. И.Давудбегова ккола школалъул художественныяб кружокалъул нухмалъулейги. Гьелъул цебехъанлъиялдалъун байрамалъулал къояз школалда тIоритIула батIибатIиял культуриял тадбирал, кьола концертал, ай гьелъ мустахIикъаб бутIа лъолеб буго школлъималазе культурияб тарбия кьеялъулъ.

Изабеллал буго суратал рахъизе лъикIаб махщелги Гьелъ бахъараб буго цо соналда къватIибе араб "ЦIумадисезул гьаракь" газеталъул тIоцебесеб гьумералда бахъараб цIорол дадалги гIаздал ясалъулги сурат.

ГIолохъанай педагог И. Давудбеговалъул кIудияб рокьи буго лъималаздехун ва жиндирго махщалидехун. Гьединлъидалин гьелъ хIаракат бахъулеб бугеб дарсал педагогикиялгун методикиял тIалабалгм цIунун тIадегIанаб даражаялда кьеялъе, лъималазул жиндехунго рокьи цIикIкIиялъе. Гьеб мурадалда дарсазда гьелъ хIалтIизарула цIицIиял къагIидаби. хIаркат бахъула махщел цIикIкIарал педагогаздаса мисал босизе.

РакIчIараб буго И.Давудбеговалъ хадубккунги жиндирго хIалтIи тIадегIанаб даражаялда гIуцIине букIиналда.

"ЦIумадисезул гьаракь"